“ოცნების ქალაქში” 10-მდე ოჯახი ხელისუფლებას დახმარებას სთხოვს. ისინი ხანძრის შედეგად დაზარალდნენ. ცეცხლმა სახლები, საყოფაცხოვრებო ნივთები და მანქანები გაანადგურა.
სოციალურად დაუცველების თქმით, ცეცხლი სახლებზე იმდენად სწრაფად გავრცელდა, რომ ვერაფრის გადარჩენა შეძლეს. მათი თქმით, ადგილობრივი ხელისუფლება ამ დრომდე მათი გასაჭირით არ დაინტერესებულა. მათ ჯანდაცვის სამინისტრომ მხოლოდ ერთჯერადი დახმარება შესთავაზა.
“მოსახლეობა აპროტესტებს ხელისუფლების მხრიდან უპასუხისმგებლო და გულგრილ დამოკიდებულებას. სად და როგორ უნდა ვიცხოვროთ, მცირეწლოვანი ბავშვებით, ხანდაზმულებით, შშმ პირებითა და მრავალშვილიანი ოჯახებით,” – ამბობენ დასახლებაში მცხოვრებლები.
ინფორმაციისთვის: ამ დრომდე დაუზუსტებელი მიზეზით, ოცნების ქალაქში ხანძარი 28 ივნისს გაჩნდა, რა დროსაც 10 საცხოვრებელი დაიწვა.
