ბათუმის საკრებულოს უმრავლესობის გადაწყვეტილებით “ჭაჭა თაუერს” დაანგრევენ. საკრებულოს განმარტებით ბარათში ვკითხულობთ, რომ „ჭაჭის შადრევნებიანი კოშკი“ და მიმდებარე ტერიტორია არის უფუნქციო, შესაბამისად საჭიროებს გონივრულ დაგეგმვასა და განვითარებას.
ტერიტორიაზე ბათუმის მერიის ინიციატივით, მუნიციპალური პარკის მოწყობა იგეგმება. სხვა დეტალები ამ ეტაპზე უცნობია. ჭაჭის კოშკი წლებია უფუნციოა, შენობა კი მოუვლელობისგან დაზიანებული.
ინფორმაციისთვის: ბათუმში “ჭაჭის თაუერი” 2012 წლის 17 ოქტომბერს გაიხსნა. კოშკს გარს ოთხი შადრევანი აკრავს. ჭაჭის კოშკის სიმაღლე მთლიანობაში 25 მეტრს შეადგენს. მშენებლობაში ბათუმის მერიის ბიუჯეტიდან 810 055 ლარი დაიხარჯა.
