ბათუმის ბოტანიკური ბაღის თანამშრომლის მიერ ტურისტის სავარაუდო გაუპატიურების ფაქტზე გამოძიება სისხლის სამართლის კოდექსის 137-ე მუხლით არის დაწყებული, ბრალდებულს წინასწარი პატიმრობა აქვს შეფარდებული.
“აჭარა თაიმსის” ინფორმაციით, ბათუმის ბოტანიკური ბაღის თანამშრომელმა ტურისტი, ბელორუსის მოქალაქე სავარაუდოდ გააუპატიურა. შემთხვევა ზღვისპირა პარკის ტერიტორიაზე მოხდა.
ჩვენი ინფორმაციით, პირი, რომელმაც სავარაუდოდ ტურისტი გააუპატიურა ადმინისტრაციის, ერთ-ერთი სამსახურის ხელმძღვანელია. ფაქტს ნაწილობრივ ადასტურებს დირექტორი, ირაკლი არჩაია. მან კომენტარზე, შვებულებაში ყოფნის მიზეზით, უარი გვითხრა, თუმცა აღნიშნა, რომ მომხდარზე გამოძიება მიმდინარეობს.
“შვებულებაში ვარ, ვერ გიპასუხებთ, მომწერეთ საჯარო წერილი და გიპასუხებთ. გამოძიება მიმდინარეობს მაგ ფაქტზე და პასუხს ვერ გაგცემთ, რადგან არავარ სამსახურში,” – აღნიშნა “აჭარა თაიმსთან” საუბრისას ირაკლი არჩაიამ და ტელეფონი გაგვითიშა.
