რომ ბოლო რამდენიმე თვის განმავლობაში ბევრი დეზინფორმაცია იყო, მათ შორის „უცხოური გავლენის გამჭვირვალობის“ კანონის შესახებ, ამის შესახებ რობინ დენიგანმა ჟურნალსიტებთან საუბრისას განაცხადა. საქართველოში ამერიკის ელჩის თქმით, დახმარება რასაც აშშ აკეთებს, ეს დადებითია და არა – უარყოფითი.
ელჩის თქმით, აშშ საქართველოს მოქალაქეებს ბევრი სხვადასხვა მიმართულებით ეხმარება.
“ბოლო რამდენიმე თვის განმავლობაში იყო ბევრი დეზინფორმაცია, მათ შორის, „უცხოური გავლენის შესახებ“ კანონით. იმის შესახებ, თუ რას აკეთებს უცხოური დახმარება. ჩვენი მხარდაჭერა მიდის ქართველებთან, ქართველების დასახმარებლად. ეს არის დახმარება შეზღუდული შესაძლებლობის მქონე ქართველებისთვის; ქართველები ეხმარებიან ახალგაზრდებს ინგლისური ენის შესწავლაში; ეხმარებიან ქართული კულტურის შენარჩუნებასა და დაფასებაში. ეს არის ის, რასაც ჩვენი მხარდაჭერა ემსახურება. ასე რომ, ეს დადებითია, ეს არის საქართველოსთან ერთად მუშაობა და ეს არ არის უარყოფითი“, – განაცხადა რობინ დანიგანმა, აჭარაში ვიზიტის დროს, ჟურნალისტებთან საუბრისას.
