ქობულეთის კულტურის სახლის რეაბილიტაცია არ დასრულებულა, თუმცა შენობაში ღონისძიებები იმართება. კომპანიამ ტენდერით ნაკისრი ვალდებულებები დღემდე არ შეასრულა და სარემონტო სამუშაოები გრძელდება.
დაუსრულებელ, ჩაუბერებელ შენობაში ხალხმრავალი კულტურული ღონისძებები გასულ თვეებში გაიმართა, ამის შესახებ ინფორმაციას თავად მუნიციპალიტეტი ავრცელებს.
შპს-მ ხელშეკრულების პირობები და ვადების გახანგრძლივება რამდენჯერმე მოითხოვა, რასაც მუნიციპალიტეტის მერი, ლევან ზოიძე უპირობოდ თანხმდება. დოკუმენტში ცვლილება მრავალჯერ შევიდა.
ვინ მფარველობს კომპანიას, ასევე, რატომ პატიობენ ყოველ ჯერზე გადაცდომას, რატომ თანმხდება მუნიციპალიტეტი იმ პირობებს, რასაც კერძო კომპანია აყენებს და რატომ არ ახდენს მუნიციპალიტეტის მერი გადაცდომებზე მკაცრ რეაგირებას? კითხვებს ლევან ზოიძე გაურბის. ჩვენი კითხვები მუნიციპალიტეტის საზოგადოებასთან ურთიერთობის სამსახურშიც უპასუხოდ დატოვეს.
ხელშეკრულების თანახმად, შპს “ნიკამ” შენობის კაპიტალური რეაბილიტაცია უნდა მოახდინოს, რომლის ბიუჯეტი 840 718.92 ლარს შეადგენს. თანხის 96 პროცენტი მერიას კომპანიისთვის უკვე გადახდილი აქვს. სატენდერო დოკუმენტაციით ირკვევა, რომ დამკვვეთმა შესრულებული სამუშაოების დიდი ნაწილი დაიწუნა და შპს “ნიკას” ხარვეზების აღმოფხვრა მოსთხოვა.
ინფორმაციისთვის: შპს “ნიკას” სახელმწიფო
tendermonitor.ge-ის ინფორმაციით, კომპანიას დღეის მდგომარეობით 301 ტენდერში აქვს მონაწილეობა მიღებული, მათ შორის 12 გამარტივებული შესყიდვაა, აქედან 27.9 % მოგებული აქვს.
