ბათუმში, საკონსტიტუციო სასამართლოსთან მხატვრების საპროტესტო აქცია გაიმართა. მათი მთავარი მოთხოვნაა, ხელახლა ჩატარდეს საპარლამენტო არჩევნები, ასევე, ისინი ევროინტეგრაციის პროცესის განახლებას ითხოვენ.
მხატვრებმა გამოფენაზე, აქციაზე დაზარალებული მოქალაქეების ფოტოები გამოფინეს და პერფორმანსიც გამართეს.
„გამოვედი იმისთვის, რომ ქვეყნის სადარაჯოზე ვიყოთ, ჩვენი ლოზუნგია “მხატვრობა ცარიელია”. მხატვრები გარეთ გამოდით, თქვენი მხატვრობა და ხელოვნება აზრს დაკარგავს, მხატვრის მისიაა სიმართლის მხარეს დგომა, დღევანდელ სიტუაციას ვაპროტესტებთ და აქცენტირებული ვართ, თავისუფლებაზე. ბათუმელო მხატვრებო, პროცესი ახლა იწყება, არ გაჩუმდეთ, რადგან ხვალ პროფესია აღარ გექნებათ.
ჩვენც გვინდა, რომ შვილებმა ევროპაში ისწავლონ, ეს ჩვენივე ქვეყნისთვის იარაღი იქნება დასაცავად, რაც განათლებას მოაქვს. დღეს უმცირესობაში არის რეჟიმი, ახლა გაჩუმება არ შეიძლება, დღეს გარდამტეხი პერიოდია და ყველა ერთად უნდა ვიყოთ შეკრული. ისტორია იმახსოვრებს იმ მხატვრებს, რომლებიც ისტორიის არასწორ მხარეს არიან, დიახ, არ მოვალთ თქვენთან გამოფენებზე”, – განაცხადა მხატვარმა, ნინო გოგოლიშვილმა.
