ტექნოლოგიური გიგანტი Microsoft 2025 წლის 5 მაისიდან ოფიციალურად დახურავს Skype-ის სერვისს — ინფორმაციას ამის შესახებ სააგენტო Reuters ავრცელებს.
კომპანიის განცხადებით, ეს გადაწყვეტილება მიზნად ისახავს კომუნიკაციის სერვისების გამარტივებას და Microsoft Teams-ზე კონცენტრირებას, რომელიც ბოლო წლებშიც Skype-ის ძირითად მემკვიდრედ პოზიციონირდა.
Skype-ის ისტორია:
- სერვისი შეიქმნა 2003 წელს ესტონელი დეველოპერების მიერ, შვედური კომპანია Tele2-ის ყოფილი თანამშრომლების — ნიკლას ზენსტრემისა და იანუს ფრისის ინიციატივით;
- 2011 წელს Microsoft-მა Skype 8.5 მილიარდ დოლარად შეიძინა — რაც იმ დროისთვის ერთ-ერთი ყველაზე მსხვილი შენაძენი იყო კომპანიის ისტორიაში;
- 2019 წელს კი კომპანიამ დაიწყო Skype-ის ბიზნესვერსიის ჩანაცვლება და რეკომენდაცია მისცა ორგანიზაციებს, გადასულიყვნენ Microsoft Teams-ზე, რაც საბოლოოდ დასრულდა 2021 წელს.
Skype-მა მსოფლიოს არაერთ ქვეყანაში შეასრულა მნიშვნელოვანი როლი ონლაინ კომუნიკაციის განვითარებაში — როგორც პირად, ისე კორპორაციულ დონეზე. თუმცა თანამედროვე მოთხოვნებთან ერთად Microsoft Teams გახდა პრიორიტეტული პლატფორმა.
