რეგიონული ტელეკომპანია TV25 იყიდება — ამის შესახებ მაუწყებლის მენეჯმენტმა სპეციალური განცხადება გაავრცელა. TV25 აჭარაში ერთ-ერთი ყველაზე ხანგრძლივად მოქმედი დამოუკიდებელი ტელემაუწყებელია, რომელიც 30 წელზე მეტია ოპერირებს რეგიონში.
თუმცა, ბოლო პერიოდში კომპანიამ ფუნქციონირება მნიშვნელოვნად შეზღუდა — საინფორმაციო პროგრამები რამდენიმე თვის წინ შეაჩერა, თანამშრომელთა ნაწილი უხელფასო შვებულებაში გაუშვა, ხოლო დიდმა ნაწილმა ტელევიზია საერთოდ დატოვა.
„პარტნიორთა კრების გადაწყვეტილებით, TV25-ის 100%-იანი წილი იყიდება“, — აღნიშნულია კომპანიის მიერ სოციალურ ქსელში გამოქვეყნებულ ინფორმაციაში. განცხადებაში სხვა დეტალები, მათ შორის ფასის, შესაძლო მყიდველის ან გარიგების პირობების შესახებ, ამ დროისთვის ცნობილი არ არის.
ამ ეტაპზე უცნობია, გამოიწვევს თუ არა მფლობელის ცვლილება მაუწყებლის ნიშის დაკარგვას, სარედაქციო პოლიტიკის ცვლილებას ან სატელევიზიო ბადის განახლებას.
ინფორმაციისთვის: ამ ეტაპზე, საჯარო რეესტის მონაცემებით, ტელევიზიის 51% წილი ჯემალ ვერძაძის სახელზე ფიქსრიდება, ხოლო 49%-ს გია სურმანიძე ფლობს.
დახურული გადაცემები და თანამშრომელთა გადინება – რა ხდება TV25-ში
