გარემოსდაცვითი ზედამხედველობის დეპარტამენტის თანამშრომლებმა უკანონო ტყითსარგებლობასთან ბრძოლის ფარგლებში არარეგისტრირებული სახერხი საამქროები გამოავლინეს.
დეპარტამენტის ინფორმაციით, უკანონო ლენტური ტიპის სახერხი დანადგარები აღმოჩნდა ხელვაჩაურის მუნიციპალიტეტის სოფელ ჭარნალსა და შუახევის მუნიციპალიტეტის სოფელ იაკობაურში.
“აღნიშნული ფაქტები შეიცავს სისხლის სამართლის დანაშაულის ნიშნებს, რის გამოც მასალები შესაბამისი რეაგირების მიზნით გადაეგზავნა შესაბამის უწყებებს.
გარემოსდაცვითი ზედამხედველობის დეპარტამენტი აგრძელებს აქტიურ მონიტორინგს და უკანონო ტყითსარგებლობის ფაქტებზე მკაცრ რეაგირებას.
დეპარტამენტი მოსახლეობას მოუწოდებს, თავი შეიკავონ უკანონო ტყის ჭრისა და ლენტური ტიპის დაურეგისტრირებელი დანადგარების გამოყენებისგან, რაც როგორც გარემოს, ასევე ქვეყნის ეკონომიკასა და სამართლებრივ წესრიგს აზიანებს,” – წერია უწყების მიერ გავრცელებულ ინფორმაციაში.
