“აჭარა თაიმსის” მასალის შემდეგ გზდ-მა მოკვლევა დაიწყო | თევზების დახოცვის ფაქტი

რამ გამოიწვია ქობულეთში, ე.წ. სმეკალოვკის არხში თევზების დახოცვა – ფაქტის მოკვლევა გარემოსდაცვითი ზედამხედველობის დეპარტამენტის სპეციალისტებმა მას შემდეგ დაიწყო, რაც ჩვენს ინფორმაცია გავავრცელეთ.

“საქმისწარმოება დაწყებულია აღნიშნულ ფაქტზე. მოგვიანებით შეგატყობინებთ რა რეაგირება მოჰყვება ჩვენი მხრიდან,” – განუცხადეს AJARATIMES.GE-ის უწყების პრესსამსახურში.

ადგილობრივთა ინფორმაციით, არხში, საწარმოდან გადამუშავებული მანდარინის ნარჩენები ჩაღვარეს. დახოცილი თევზები წყლის ზედაპირზეა, რის გამოც ტერიტორიაზე უსიამოვნო სუნია გავრცელებული.

“ქართული ინდუსტრიული აქტივების მართვის ჯგუფი” საწარმოს წლებია გამწმენდი ნაგებობის გარეშე ამუშავებს, გადამუშავებული ციტრუსის ნარჩენებს კი პირდაპირ ღია არხში უშვებს. ორგანიზაცია ფერმერებისგან ციტრუსს იბარებს, რომლის სუბსიდირებასაც ადგილობრივი ხელისუფლება ახდენს.