ქობულეთის ვიცე-მერი, დავით ვერულიძე გაათავისუფლეს.
ქობულეთის ცენტრალურ პარკში უნებართვო მშენებლობის შესახებ რამდენიმე დღის წინ ვწერდით. უკანონონო მშენებლობა ჩვენი ინფორმაციით, დავით ვერულიძისა და ლევან ზოიძის სახელთან იყო დაკავშირებული. სამ სართულიანი შენობის დემონტაჟის ბრძანება მას შემდეგ გაიცა, რაც ჩვენ აღნიშნულის შესახებ ინფორმაცია გავავრცელეთ.
როგორ ვერ შეამჩნია უნებართვო მშენებლობა ქობულეთის მერიამ ცენტრალურ პარკში, თვალსაჩინო ადგილზე და რატომ გაიცა დემონტაჟის ბრძანება მშენებლობის დასრულების შემდეგ? კითხვები მერმა ლევან ზოიძემ, მისმა მოადგილემ, დავით ვერულიძემ და ზედამხედველობის სამსახურის უფრომა, გიორგი ბეჟანიძემ უპასუხოდ დატოვეს.
ქობულეთის მერიის ინფორმაციით, დავით ვერულიძე საქმიანობას აჭარის საავტომობილო გზების დეპარტამენტში გააგრძელებს.
ქობულეთის ვიცე მერის კლასელისა და კურსელის ოჯახის უკანონო მშენებლობა ცენტრალურ პარკში – მასალა ამ თემაზე ნახეთ ბმულზე.
ინფორმაციისთვის: ქობულეთში უნებართვო მშენებლობები და უკანონობის მფარველობა არახალია. არაერთ დანაშაულზე სახელმწიფო აუდიტის სამსახურიც წერდა. რეაგირება არცერთ მათგანზე მომხდარა.
აქვე დაგაინტერესებთ: ⇓
- ქობულეთის მერიის მიერ უკანონო მშენებლობების აღკვეთის მიზნით გატარებულმა ღონისძიებებმა პროცესის აღკვეთა ვერ უზრუნველყო – აუდიტი
- ქობულეთში კაფეს პლაჟზე ჩასავლელ კიბეზე აშენებენ – უკანონობაზე მერია არ რეაგირებს
- ქობულეთში ქარსაცავი ზოლი სპეციალისტის რეკომენდაციის გარეშე გაჩეხეს
