„კალათბურთის კლუბი ბათუმი“ სუპერლიგის მე-10 ტურში „ივერიონის“ წინააღმდეგ ითამაშა და შეხვედრა ანგარიშით 80:78 დათმო. მატჩი ძალიან დაძაბული გამოდგა – „ბათუმმა“ პირველი და მეორე მეოთხედები მოიგო (24:21 და 27:23), თუმცა „ივერიონმა“ მესამე და მეოთხე მეოთხედებში მოახერხა თამაშის შემობრუნება (19:17 და 17:10) და საბოლოოდ გამარჯვება მოიპოვა.
ეფექტურობის 23 ქულით შეხვედრის საუკეთესო მოთამაშე მაირინ ტომასი იყო – მის ანგარიშზე 19 ქულა, 12 მოხსნა და ორი შედეგიანი გადაცემა დაფიქსირდა. „ივერიონის“ მხრიდან ყველაზე შედეგიანი ბრენდონ მილერი გახლდათ, რომელმაც მატჩი 22 ქულით, ოთხი შედეგიანი გადაცემითა და შვიდი მოხსნით დაასრულა.
სატურნირო ცხრილში „კ/კ ბათუმი“ 14 ქულით მეხუთე ადგილზე იმყოფება და ჩემპიონატის ლიდერ „თსუ-ს“ მხოლოდ ორი ქულით ჩამორჩება. შემდეგ მატჩს „ბათუმი“ 27 დეკემბერს გამართავს – ბათუმის სპორტის სასახლის პარკეტზე „კ/კ ბათუმი“ „რაშს“ უმასპინძლებს.
ავტორი: დიმიტრი გორგილაძე
