შსს ცნობით, საგამოძიებო მოქმედებების შედეგად, 1984 წელს დაბადებული, წარსულში ნასამართლევი ა.ბ. ჯანმრთელობის განზრახ მსუბუქი დაზიანების ბრალდებით დააკავეს.
გამოძიების ინფორმაციით, შემთხვევა ბათუმში მოხდა მეზობლებს შორის დაწყებული ურთიერთშელაპარაკების დროს. ბრალდებულმა დანის გამოყენებით 1978 წელს დაბადებულ ი.მ.-ს სხეულზე ჭრილობები მიაყენა და შემთხვევის ადგილიდან მიიმალა. დაშავებული კაცი კლინიკაში მოათავსეს და შესაბამისი სამედიცინო დახმარება გაეწია.
პოლიციამ ბრალდებული ცხელ კვალზე დააკავა, ხოლო დანაშაულის ჩადენის იარაღი – დანა ნივთმტკიცებად ამოიღეს. ჯანმრთელობის განზრახ მსუბუქი დაზიანების ფაქტზე გამოძიება საქართველოს სისხლის სამართლის კოდექსის 120-ე მუხლით მიმდინარეობს. დანაშაული 3 წლამდე თავისუფლების აღკვეთას ითვალისწინებს.
