ბათუმში ტაქსის მძღოლების პროტესტი გრძელდება

ბათუმში ტაქსის მძღოლების პროტესტი გრძელდება. დღეს ისინი კვლავ ახალი ბულვარის ტერიტორიაზე შეიკრიბნენ და საპროტესტო აქციის ფარგლებში მუშაობა 24 საათით შეაჩერეს. აქციის მონაწილეების განცხადებით, კომპანიების წარმომადგენლები მათთან კომუნიკაციაზე კვლავ არ გამოდიან, რის გამოც მოთხოვნები ამ დრომდე შეუსრულებელი რჩება.

მძღოლების მთავარი მოთხოვნები უცვლელია, ისინი კომპანიების მხრიდან დაწესებული საკომისიოების შემცირებას, ტარიფების ზრდასა და არასწორი პარკირებისთვის დაკისრებული ჯარიმების გაუქმებას ითხოვენ.

ტაქსის მძღოლების ნაწილი ამბობს, რომ არსებული პირობები მათ შემოსავალსა და სამუშაო გარემოზე უარყოფითად აისახა, რის გამოც პროტესტის გაგრძელებას გეგმავენ, ვიდრე მათი მოთხოვნები არ დაკმაყოფილდება.

პროტესტის მონაწილეები აცხადებენ, რომ ბათუმში მიმდინარე სხვადასხვა სოციალური ჯგუფის აქციებთან კომუნიკაცია უკვე აქვთ და არ გამორიცხავენ, რომ მომდევნო საპროტესტო მოძრაობა უფრო ფართომასშტაბიანი და გაერთიანებული ფორმით გაგრძელდეს.

დაკავშირებული თემები ⇓

ბათუმში ტაქსის მძღოლები გაიფიცნენ – დასაქმებულები სამუშაო პირობების გაუმჯობესებასა და ტარიფების გადახედვას ითხოვენ

ბათუმში მასშტაბური საპროტესტო აქცია გაიმართა – მოქალაქეები სოციალური პრობლემების გადაწყვეტასა და ხელისუფლებასთან დიალოგს ითხოვენ

ელექტრო სკუტერებისა და მოპედების მფლობელების პროტესტი და მოთხოვნა

პროტესტი ბათუმიდან შეკვეთილამდე – სუვენირებითა და ნატურალური წვენებით მოვაჭრეები ივანიშვილთან შეხვედრას ითხოვენ