საქართველოს 25 წლის მოქალაქემ შესაძლოა, ციხეში 5 წელი გაატაროს – პოლონური მედიასაშუალებების ცნობით, მას შემდეგ, რაც ქართველს კლუბის დატოვება სთხოვეს ის გაბრაზდა, რის შემდეგაც საკუთარი მანქანით შენობას შეეჯახა. ინციდენტისას ასევე, დაზიანდა იქვე გაჩერებული ავტომობილებიც. ქართველის ქმედების შედეგად ზარალი 50 000 ზლოტს აღემატება.
კლუბის ადმინისტრაციაში აცხადებენ, რომ ქართველ მომხმარებელს შეუფერებელი ქცევის გამო ტერიტორიის დატოვება სთხოვეს, რასაც მისი გაღიზიანება და ცემის მუქარა მოჰყვა. პოლიციის ინფორმაცით, ბრალდებული მას შემდეგ დააკავეს, როდესაც ის საზღვრისკვეთას ცდილობდა.
