„კალათბურთის კლუბმა ბათუმმა“ საქართველოს სუპერლიგის 21-ე ტურის მატჩი „CIU“-ს (ყოფილი კსუ) წინააღმდეგ ჩაატარა და ანგარიშით 77:63 დამარცხდა. ეს მიმდინარე სეზონში ბათუმელთა მეათე მარცხია.
მიუხედავად გუნდის წაგებისა, მატჩის საუკეთესო მოთამაშედ „ბათუმის“ კალათბურთელი, კეილენ უილიამსი დასახელდა, რომელმაც შეხვედრა 25 ქულით, 4 მოხსნითა და 6 შედეგიანი გადაცემით დაასრულა. „CIU“-ს რიგებში ყველაზე შედეგიანი რობ პერი აღმოჩნდა – მის ანგარიშზეა 21 ქულა, 6 მოხსნა და 4 პასი.
შეხვედრა 8 აპრილს, „თბილისი არენაზე“ გაიმართა.
21 ტურის შემდეგ, „კ/კ ბათუმს“ 28 ქულა აქვს და სატურნირო ცხრილში მერვე ადგილზე იმყოფება, რაც კლუბს პლეი-ოფში გასვლის შანსს ინარჩუნებს.
„კალათბურთის კლუბი ბათუმი“ რეგულარული სეზონის ბოლო, 22-ე ტურის მატჩს 13 აპრილს „ორბის“ წინააღმდეგ გამართავს.
ავტორი: დიმიტრი გორგილაძე
