დღეს დილიდან ბათუმში, 9 აპრილის მემორიალთან მოქალაქეები შეიკრიბნენ, რომ პატივი მიეგოთ იმ ადამიანებისთვის, ვინც 1989 წლის 9 აპრილს თბილისში, რუსთაველის გამზირზე, საქართველოს დამოუკიდებლობისთვის ბრძოლას შეეწირა.
მემორიალთან მივიდნენ პროევროპული აქციების მონაწილეებიც. ისინი აცხადებენ, რომ არ დაუშვებენ “ქართული ოცნების” წარმომადგენლების მემორიალთან მისვლას, რადგან მათი აზრით, მმართველი პარტია დღეს ემსახურება რუსეთის ინტერესებს და საფრთხეს უქმნის ქვეყნის დამოუკიდებლობას.
მემორიალთან არ მისულან „ქართული ოცნების“ არცერთი ოფიციალური პირი და მათ შორის არც ბათუმის მერი.
