საქართველოს კალათბურთის სუპერლიგის მეოთხე ტურში „ვსამ“ 93:87 მოუგო „კალათბურთის კლუბ ბათუმს“. შეხვედრა საკმაოდ დაძაბული აღმოჩნდა. მატჩის ყველაზე შედეგიანი კალათბურთელი „კ/კ ბათუმის“ წევრი აკაკი დვალიშვილი გახდა — მის ანგარიშზე 33 ქულაა. „მოხსნებში“ თავი ბათუმელმა ლეგიონერმა მაირინ ტომასიმ გამოიჩინა, რომელმაც 12 მოხსნა მოაგროვა.
„ვსას“ მხრიდან საუკეთესო იყო კალატოზიშვილი, რომელმაც მატჩი 24 ქულითა და 8 მოხსნით დაასრულა. ოთხი ტურის შემდეგ სუპერლიგის სატურნირო ცხრილში „კალათბურთის კლუბი ბათუმი“ სამი ჩატარებული მატჩით მეექვსე ადგილზეა – ორი გამარჯვებითა და ერთი მარცხით. „დელფინები“ ტურნირის ლიდერ „ორბს“ ორი ქულით ჩამორჩებიან.
ჩემპიონატის მორიგ მატჩს „კ/კ ბათუმი“ 7 ნოემბერს, ბათუმის სპორტის სასახლეში გამართავს, სადაც „მარგვეთს“ დაუპირისპირდება.
ავტორი: დიმიტრი გორგილაძე
