საქართველოს შინაგან საქმეთა სამინისტრომ ბათუმში მართლწესრიგის ოფიცრების სისტემა აამოქმედა. ამიერიდან, ახალი სამართალდამცავი უწყება, თბილისსა და რუსთავის გარდა, ბათუმიც იფუნქციონირებს. შსს მინისტრის, ვახტანგ გომელაურის თქმით, ოფიცრების ერთ-ერთ მოვალეობად სამართალდამრღვევ არასრულწლოვანთა ნ მუშაობაა.
მართლწესრიგის ოფიცერი საზოგადოებაზე ორიენტირებული საპოლიციო საქმიანობის მოდელია, რომელიც მსოფლიოში დანაშაულის პრევენციის აპრობირებული ინსტრუმენტია.
როგორც, შსს-ს ოფიციალურ განცხადებაში ვკითხულობთ, მართლწესრიგის ოფიცრის კომპეტენციაში არაერთი მიმართულება შედის და მოიცავს ისეთ მნიშვნელოვან საკითხებს, როგორიცაა: არასრულწლოვნებთან, ოჯახში ძალადობასთან, სამეზობლო დავებთან, უკანონო მიგრაციასთან, მოწყვლად ჯგუფებთან დაკავშირებულ პრობლემებსა და გამოწვევებზე რეაგირება.
მის ფუნქცია-მოვალეობებში ასევე შედის: დანაშაულის პრევენციაზე ორიენტირებული ღონისძიებების დაგეგმვა და განხორციელება; ინფორმაციის შეგროვება, სისტემატიზაცია და პირველადი დამუშავება;
“აჭარა თაიმსს” პრესსამსახურასი განუცხადეს, რომ ოფიცერთა რაოდენობა ქვეყნის მასშტაბით ეტაპობრივად გაიზრდება და ინსტიტუტი ყველა მსხვილ ქალაქში ამოქმედდება.
ცნობისთვის, ამჟამად ბათუმში 20 მართლწესრიგის ოფიცერი მუშაობს.
