გიორგი ალხანიშვილის მკვლელობის საქმის ერთ-ერთ ეპიზოდზე გადაწყვეტილება ცნობილია. მოსამართლემ ბრალდებულის ალექსანდრე ბაჟუნაიშვილის მამა და ერთ-ერთი ბიძა პატიმრობაში დატოვა, ხოლო მეორე ბიძა, (სასულიერო პირი) უდანაშაულოდ ცნო. მოსამართლის გადაწყვეტილებით, გიორგი ბაჟუნაიშვილს 5 წლით, მის ძმას დავით ბაჟუნაიშვილს კი 3 წლით თავისუფლების აღკვეთა შეეფარდათ.
ადვოკატ პაატა ბოლქვაძის თქმით, სასულიერო პირს ალხანიშვილის მკვლელობის შესახებ ინფორმაცია აღსარების გზით ჰქონდა მიღებული, რაც დანაშაულად ვერ ჩაითვლებოდა – მოსამართლე კოტე ჭილაიამ ეს არგუმენტი გაიზიარა.
“შვილს ვეძებდი. მკვლელის მამაც მატყუებდა და მისი შვილიც. ამ კაცმა ძმებიც გაწირა. მომიკვდა შვილი. იმედი მაქვს, მკვლელს მალე ჩამოიყვანთ. მამამ გაზარდა ისეთი შვილი, როგორიც არის დღეს. მამას პირობითი აქვს ცივი იარაღის ტარებაზე. თავისნაირი შვილი გაზარდა, შვილი დამიჩეხა და დამიმარხა. ვერ დავინახე სახეზე როგორი იყო ჩემი შვილი”, – განაცხადა მოკლულის დედამ სასამართლო პროცესზე.
თავად, მკვლელობაში ბრალდებული ალექსანდრე ბაჟუნაიშვილი ლონდონში საექსტრადიციო პატიმრობაში იმყოფება.
“ძალიან ვწუხვარ, სიმპატიური ბავშვი ოჯახურ გარემოში იყო. ღვინოს სვამდნენ, კარგი ბიჭი იყო, დედას ვთხოვ, მისი სულისთვის დღედაღამე ვილოცებ”,- უთხრა მოსამართლეს მღვდელმა.
ინფორმაციისთვის: გასული წელს, სოფელ ლეღვაში, ტყეში 20 წლის ბიჭის ცხედარი იდამარხული პოვეს. არსებული ინფორმაციით, ახალგაზრდა მეგობართან სტუმრად იმყოფებოდა, სადაც ინციდენტი მოხდა. მკვლელობის საქმეზე შინაგან საქმეთა სამინისტრომ 7 პირი დააკავა. ერთს კი ბრალი დაუსწრებლად წარედგინა.
