მოსამართლის გადაწყვეტილებით, კაცი, რომელიც შშმ პირის გაუპატიურებაში იყო ბრალდებული ციხეს გირაოს სანაცვლოდ დატოვეს. 80 წლის კაცს თავისუფლების სანაცვლოდ 50 ათასი ლარის გადახდა მოუწევს.
ინფორმაციისთვის: შინაგან საქმეთა სამინისტროს ცნობით ბრალდებულმა შეზღუდული შესაძლებლობის მქონე პირი გააუპატიურა.
“სამართალდამცავებმა ბრალდებული 7 თებერვალს დააკავეს. მას ბრალდება საქართველოს სისხლის სამართლის კოდექსის 137-ე მუხლის მესამე ნაწილის ,,დ’’ და 138-ე მუხლის მეორე ნაწილის ,,დ’’ ქვეპუნქტებით წარედგინა (წინასწარი შეცნობით შეზღუდული შესაძლებლობის მქონე პირის გაუპატიურება და სექსუალური ხასიათის სხვაგვარი ქმედება), რაც სასჯელის სახედ და ზომად 10-დან 13 წლამდე თავისუფლების აღკვეთას ითვალისწინებს. სისხლის სამართლის საქმეზე გამოძიება გრძელდება,” – იტყობინებოდა პროკურატურა რამდენიმე დღის წინ.
