მძლეოსნობაში საქართველოს ჩემპიონატზე სპორტსმენებმა აჭარიდან წარმატებული გამოსვლა უზრუნველყვეს — ხუთმა მძლეოსანმა რეგიონიდან ჯამში ექვსი მედალი მოიპოვა.
გამორჩეული იყო მათე მეჯიდოვის გამოსვლა, რომელმაც ორჯერ შეძლო პოდიუმზე ასვლა. სპორტსმენმა სამმაგ ხტომაში ვიცე-ჩემპიონის ტიტული მოიპოვა და ვერცხლის მედალი დაისაკუთრა, ხოლო სიგრძეზე ხტომაში ბრინჯაოს მედალს დაეუფლა.
ბრინჯაოს მედლები შერეულ 4×400 მეტრიან ესტაფეტაშიც მოიპოვეს. წარმატებით იასპარეზეს ლუკა ლომიძემ, არმაზ ბერიძემ, ქეთი დევაძემ და ნინო გოგიტიძემ, რომლებმაც მესამე ადგილი დაიკავეს და რეგიონისთვის დამატებითი წარმატება მოიტანეს.
ავტორი: დიმიტრი გორგილაძე
