„რაგბის კლუბმა ბათუმმა“ რაგბი დიდი 10-ის მე-12 ტურის შეხვედრაში დამაჯერებლად დაამარცხა „ყაზბეგი“ – მატჩი 50:5 დასრულდა. მიმდინარე სეზონში ეს ბათუმელებისთვის მეცხრე გამარჯვებული ტური იყო.
შეხვედრის პირველი ტაიმი „ბათუმის“ სასარგებლოდ 26:5 დასრულდა, ხოლო მეორე ნახევარიც ნინიძის გუნდმა უპირატესობით — 24:0 მოიგო. მატჩის საუკეთესო მოთამაშედ „ბათუმის“ მორაგბე გიორგი შუკაკიძე დასახელდა.
მე-12 ტურის შემდეგ რაგბი დიდი 10 პაუზაზე გადადის. ჩემპიონატი 2026 წლის თებერვალში განახლდება. მე-13 ტურის შეხვედრაში „რ/კ ბათუმი“ „ლელოს“ დაუპირისპირდება.
ავტორი: დიმიტრი გორგილაძე
