სარფის საბაჟოსა და ბათუმის პორტში საბრძოლო მასალისა და ასაფეთქებელი ნივთიერებების შემოტანის ორი ფაქტი აღიკვეთა.
შემოსავლების სამსახურის ინფორმაციით, ჩატარებული საბაჟო კონტროლის პროცედურებისას აღმოჩენილი იქნა 149 ცალი საბრძოლო ვაზნა და 2 ცალი ხელყუმბარა. სპეციალური კონტროლის ქვეშ მყოფი ნივთები უცხო ქვეყნის მოქალაქეებს ეკუთვნოდათ და ისინი მსუბუქი ავტომობილის სალონსა და სატვირთო ავტომობილის მისაბმელ ნაწილში დეტალური შემოწმებისას გამოვლინდა.
შემოსავლების სამსახურის განცხადებით, აღნიშნულ ფაქტებთან დაკავშირებით შესაბამისი სამართლებრივი პროცედურები მიმდინარეობს.
