საქართველოს პროკურატურამ არასრულწლოვანის გაუპატიურების ფაქტზე ორ პირს ბრალდება წარუდგინა. გამოძიება შინაგან საქმეთა სამინისტრომ ჩაატარა. გამოძიებით დადგინდა, რომ ბრალდებულებმა უმწეო მდგომარეობაში მყოფი არასრულწლოვანი გააუპატიურეს. სამართალდამცავებმა ორივე პირი 27 დეკემბერს დააკავეს.
პროკურატურის ინფორმაციით, ერთ დაკავებულს ბრალდება საქართველოს სისხლის სამართლის კოდექსის 137-ე მუხლის პირველი ნაწილით – გაუპატიურების ფაქტზე – წარედგინა, რაც სასჯელის სახით და ზომად 8 წლამდე თავისუფლების აღკვეთას ითვალისწინებს.
მეორე ბრალდებულს ბრალი წარდგენილი აქვს საქართველოს სისხლის სამართლის კოდექსის 137-ე მუხლის მე-4 ნაწილის „გ“ ქვეპუნქტით – წინასწარი შეცნობით არასრულწლოვანის გაუპატიურების ფაქტზე, რაც 20 წლამდე ან უვადო თავისუფლების აღკვეთას ითვალისწინებს. სასამართლომ ორივე ბრალდებულს აღკვეთის ღონისძიების სახით პატიმრობა უკვე შეუფარდა. გამოძიება საქმეზე გრძელდება
