AJARATIMES.GE-ის ინფორმაციით, ქობულეთის მუნიციპალიტეტში, მერიის წინ, საშაურმე უნებართვოდ ფუნქციონირებს. ობიექტი მერის, ლევან ზოიძის კაბინეტის მოპირდაპირედაა. უკანონობაზე უწყება არ რეაგირებს.
თავდაპირველად, ტროტუარი იჯარის წესით, ეთნო კუთხის მოსაწყობად გაიცა, თუმცა მეწარმემ ხელშეკრულების პირობები დაარღვია და ადგილზე საშაურმე გახსნა.
ქობულეთის მერიაში გვითხრეს, რომ მეწარმე უნებართვო მშენებლობისთვის წერილობით უკვე გაფრთხილებულია.
გაფრთხილების შემდეგ, ობიექტის მეპატრონემ ხელმეორედ, საკრებულოს შეცვლილი საიჯარო პირობებით მიმართა, რასაც წარმომადგენლობითი ორგანო არ დათანხმდა და საკითხი მერიას რეაგირებისთვის გადაუგზავნა.
