საქართველოს შინაგან საქმეთა სამინისტროს ინფორმაციით, უწყების და მიგრაციის დეპარტამენტის თანამშრომლობით ჩატარებული კომპლექსური ღონისძიებების შედეგად, საქართველოდან უცხო ქვეყნის 33 მოქალაქე გააძევეს.
გადაწყვეტილება კანონმდებლობის ფარგლებში იქნა მიღებული – როგორც უწყებაში განმარტავენ, ნაწილი მოქალაქეების ნებაყოფლობითი გამგზავრებით განხორციელდა, ნაწილი კი იძულებით გაძევდა. შესაბამის პირებს საქართველოში შემოსვლა დროებით აეკრძალათ. გაძევებულები სხვადასხვა ქვეყნის მოქალაქეები არიან, მათ შორის ინდოეთის, ეგვიპტის, იორდანიის, თურქეთის, პაკისტანის, ჩინეთის, ირანის, ბანგლადეშის, ერაყის, რუსეთის, აზერბაიჯანისა და თურქმენეთის.
