ორგანიზაცია “სოლიდარობის თემის” ორგანიზებით ბათუმში ისლამური არქიტექტურის ნიმუშების ფოტო გამოფენა გაიმართა. საგამოფენო სივრცეში დამთვალიერებელს ქართული ხის მეჩეთების ფოტოების ნახვის შესაძლებლობა ჰქონდა.
ორგანიზატორების თქმით, ქართული ხის მეჩეთები თავიანთი ადგილმდებარეობით, ექსტერიერითა და მდიდარი ინტერიერის ურთიერთკავშირებით გამოირჩევა.
“საკულტო ნაგებობები ქართველი ხალხის მრავალსაუკუნოვანი კულტურის არქიტექტურული შემოქმედების ანარეკლია. სამწუხაროდ, ლაზი ოსტატებისა და ადგილობრივი მოსახლეობის არქიტექტურული შემოქმედება საფრთხის წინაშეა, რადგან მათი ფიზიკური მდგომარეობა უარესდება, ნადგურდება და ინგრევა,” – აღნიშნავენ “სოლიდარობის თემში”.
ღონისძიების ფარგლებში ასევე, აჭარელი ქალების ნაქარგობები გამოიფინა, გაიმართა დისკუსია და აჩვენეს დოკუმენტური ფილმი „უხილავი ფერები – ქართული ხის მეჩეთები“.
