ბათუმის საქალაქო სასამართლოში ხელოვნების უნივერსიტეტის დეკანისა და ოთხი სტუდენტის საქმეზე არსებითი განხილვა დაიწყო.
მოსამართლემ ძალაში დატოვა წინა გადაწყვეტილება და ბრალდებული ანრი კაკაბაძე პატიმრობაში რჩება, მიუხედავად დაცვის მხარის მოთხოვნისა, რომ ის გირაოს სანაცვლოდ გათავისუფლებულიყო.
ადვოკატებმა სასამართლოს დაზარალებულების – ირაკლი დევაძისა და ირაკლი ნაკაშიძის წერილი წარუდგინეს, რომლის თანახმადაც ისინი აცხადებენ, რომ კაკაბაძესთან პრეტენზია არ აქვთ. ასევე წარმოდგენილი იყო 100-მდე პირის თავდებობის წერილი.
მოსამართლემ არგუმენტები არ გაითვალისწინა და აღნიშნა, რომ კაკაბაძის მხრიდან კვლავ არსებობს დანაშაულის ჩადენის საფრთხე, მით უმეტეს, რომ ის აქამდე ანალოგიური ბრალდებით გირაოს სანაცვლოდ უკვე გათავისუფლებული იყო.
ინფორმაციისთვის: რამდენიმე დღის წინ სასამართლომ ხელოვნების უნივერსიტეტის დეკანი და სამი სტუდენტი 5 000-ლარიანი გირაოს სანაცვლოდ გაათავისუფლა, ხოლო ერთი ბრალდებული პატიმრობაში დატოვა.
