გარემოსდაცვითი ზედამხედველობის დეპარტამენტის ინფორმაციით, აჭარაში 2 უკანონო სახერხი საამქრო გამოავლინეს.
უწყების ცნობით, ლენტური ტიპის არარეგისტრირებული სახერხი დანადგარები დალუქულია შუახევის მუნიციპალიტეტის სოფლებში – წელათსა და ტომაშეთში.
“სახერხი საამქროების ტერიტორიებზე სამართალდამრღვევებს განთავსებული ჰქონდათ წიწვოვანი სახეობის, ჯამში 37 ერთეული დაუფირნიშებელი მრგვალი ხე-ტყე (მორი).
ვინაიდან ორივე ფაქტი შეიცავს სისხლის სამართლის დანაშაულის ნიშნებს, მასალები, შემდგომი რეაგირების მიზნით, შესაბამის უწყებაში გადაიგზავნა,” – წერია უწყების მიერ გავრცელებულ ინფორმაციაში.
