შინაგან საქმეთა სამინისტროს ინფორმაციით, აჭარის პოლიციის დეპარტამენტის ბათუმის საქალაქო სამმართველოსა და ფინანსთა სამინისტროს შემოსავლების სამსახურის საბაჟო დეპარტამენტის თანამშრომლებმა თურქეთის მოქალაქე, 2001 წელს დაბადებული მ.ტ., განსაკუთრებით დიდი ოდენობით ფსიქოტროპული ნივთიერების უკანონო შეძენა-შენახვისა და საქართველოში უკანონოდ შემოტანის ბრალდებით დააკავეს.
უწყების ცნობით, ბრალდებული ბათუმის საერთაშორისო აეროპორტში მაშინ აიყვანეს, როდესაც მის ხელბარგში შემოწმების შედეგად განსაკუთრებით დიდი ოდენობით ფსიქოტროპული ნივთიერება „პრეგაბალინის“ შემცველი 212 აბი აღმოაჩინეს და ნივთმტკიცებად ამოიღეს.
მ.ტ. დაკავებულია ბრალდებულის სტატუსით. საქმეზე გამოძიება სისხლის სამართლის კოდექსის 261-ე და 263-ე მუხლებით მიმდინარეობს, რაც 13 წლამდე თავისუფლების აღკვეთას ითვალისწინებს.
