საავტომობილო გზების დეპარტამენტის ცნობით, საერთაშორისო მნიშვნელობის ბათუმის შემოვლით მონაკვეთზე იწყება გვირაბების ელექტრო და მექანიკური სისტემების მონტაჟის სამუშაოები, რის შემდეგაც გზის ნაწილი დროებით წინასწარ განსაზღვრული რეჟიმით დაიხურება.
სამუშაოების გამო, კმ 92–105 მონაკვეთზე ავტოტრანსპორტის გადაადგილება 2025 წლის 27 ნოემბრიდან ერთი თვის განმავლობაში შეიზღუდება ღამის საათებში.
- ორშაბათიდან პარასკევის ჩათვლით მოძრაობა აიკრძალება 00:00–07:00 საათამდე;
- შაბათ–კვირას — 02:00–07:00 საათამდე.
- შეზღუდვები ძალაში შევა 27 ნოემბრის ღამის 00:00 საათიდან.
“დროებითი რეჟიმის პერიოდში ფოთი–სარფის მიმართულებით მოძრავი ავტოტრანსპორტი სენაკი–ფოთი–სარფის გზის 92-ე კილომეტრზე მდებარე მახინჯაურის სატრანსპორტო კვანძს გამოიყენებს, ბათუმის გავლით იმოძრავებს და სენაკი–ფოთი–სარფის ცენტრალურ გზას 109-ე კილომეტრზე დაუკავშირდება.
ანალოგიურად, სარფი–ფოთის მიმართულებით ავტომობილების ნაკადი საპირისპირო მარშრუტს ისარგებლებს.
მონტაჟის დასრულებამდე მოქმედი დროებითი რეგულაციები ამ გზის მომხმარებლებზე იმოქმედებს, რის გამოც უწყებები მძღოლებს სიფრთხილისა და წინასწარი დაგეგმვისკენ მოუწოდებენ,” – წერია დეპარტამენტის მიერ გავრცელებულ ინფორმაციაში.
