„საკალათბურთო კლუბმა ბათუმმა“ სუპერლიგის ნახევარფინალური სერიის მესამე მატჩში „ქუთაისი 2010“ ანგარიშით 96:79 დაამარცხა და სერიაში ლიდერობა მოიპოვა – 2:1.
ბუბა ბერიშვილის გაწვრთნილმა გუნდმა მეტოქეს ოთხივე მეოთხედში აჯობა: 25:22, 23:21, 20:18, 28:18.
მატჩის საუკეთესო მოთამაშედ „ბათუმის“ ლეგიონერი მაირინ ტომასი დასახელდა. მის ანგარიშზეა 28 ქულა, 9 მოხსნა, 4 პასი და ეფექტურობის 33 ქულა (EFF).
ქუთაისელთა შემადგენლობაში თავი დეტრიკ ბრაუნინგმა გამოიჩინა, მან 26 ქულა, 1 პასი, 2 ჩაჭრა და ეფექტურობის 18 ქულა დააგროვა.
„სკ ბათუმი“ და „ქუთაისი 2010“ ნახევარფინალური სერიის მეოთხე მატჩს 15 მაისს გამართავენ.
ავტორი: დიმიტრი გორგილაძე
