ბათუმში, ე.წ. „ხოფის“ ბაზრობის ტერიტორიაზე, სადაც სხვადასხვა საპროტესტო აქციაზე დაკავებული პირების მშობლებმა საინფორმაციო შეხვედრა გამართეს, რამდენიმე პირი მათ სიტყვიერად დაუპირისპირდა.
შეხვედრის ფარგლებში მშობლები მოქალაქეებს საინფორმაციო გაზეთებს ურიგებდნენ და დაკავებულთა საქმეებზე ესაუბრებოდნენ. ადგილზე შეკრებილებს შორის სიტყვიერი დაპირისპირება რამდენჯერმე მოხდა, თუმცა ინციდენტი ფიზიკურ დაპირისპირებაში არ გადაზრდილა.
დაკავებულთა მშობლების განცხადებით, მათი მიზანი საზოგადოების ინფორმირება იყო იმ პირების საქმეებზე, რომლებიც საპროტესტო აქციების შემდეგ დააკავეს. მსგავს საინფორმაციო შეხვედრებს დაკავებულთა მშობლები პერიოდულად საქართველოს სხვადასხვა რეგიონშიც მართავენ.
