სასაზღვრო პოლიციის სანაპირო დაცვის ინფორმაციით, საქართველოს ტერიტორიულ წყლებში ნაოსნობის წესების დარღვევის ფაქტზე პანამის დროშის ქვეშ მცურავი გემი (ტანკერი) „CAMINERO“ დააკავეს.
უწყების ცნობით, გემის კაპიტნის მიმართ, რომელიც თურქეთის მოქალაქეა, სასაზღვრო პოლიციის ოპერატიულ-საგამოძიებო მთავარი სამმართველოს თანამშრომლებმა საქმისწარმოება დაიწყეს საქართველოს ადმინისტრაციულ სამართალდარღვევათა კოდექსის 114-ე 1-ლი პრიმა მუხლის 1-ლი პრიმა ნაწილის „ე“ ქვეპუნქტით.
სასაზღვრო პოლიციის განცხადებით, გემის კაპიტანს ბიუჯეტის სასარგებლოდ დაეკისრა 15 000 ლარის ოდენობის ჯარიმა. ჯარიმის გადახდის შემდეგ ტანკერს თავისუფალი ნაოსნობის უფლება მიეცა.
