ხულოს მუნიციპალიტეტის მერიამ ორი ახალი ავტობუსი შეიძინა. თანამედროვე სტანდარტის შესაბამისი ავტობუსები, 47 მგზავრზეა გათვლილი და ადაპტირებულია შეზღუდული შესაძლებლობების მქონე პირთათვის. ამ ეტაპზე ტარიფი და მოძრაობის ინტერვალი არაა განსაზღვრული.
“მუნიციპალური ტრანსპორტი უახლოეს დღეებში გავა ხაზზე და მოსახლეობას შეღავათიანი ტარიფებით მოემსახურება,” – აცხადებენ უწყებაში.
ინფორმაციისთვის: “პროექტი, საქართველოს მთავრობის მხარდაჭერით და აჭარის ბიუჯეტიდან მიღებული კაპიტალური ტრანსფერის ფარგლებში დაფინანსდა,” – წერია უწყების მიერ გავრცელებულ ინფორმაციაში.
