საქართველოს ეროვნული ნაკრებისა და უკრაინის, ერთა ლიგის მეხუთე ტურის მატჩი, ფრედ ერთი – ერთი დასრულდა.
შეხვედრის პირველი გოლი, მატჩის მეშვიდე წუთზე საბა კვერკველიამ გაიტანა, რომელმაც ბურთის დამუშავება ვერ მოახერხა და ავტოგოლი გაიტანა.
გაშვებული გოლის შემდეგ „ჯვაროსნებმა“ შეტევაში მუშაობას მოუმატეს. ანგარიშის გათანაბრება, 76-ე წუთზე მიქაუტაძემ შეძლო, რომელმაც უკრაინის საჯარიმოში შექმნილი, წამიერი, არეულობით ისარგებლა და მეკარეს ახლო მანძილიდან გოლი გაუტანა.
90-ე წუთზე უკრაინელები შეეცადნენ შეხვედრაში დაწინაურებას, კონტრშეტევაში სახიფათო მომენტი შექმნეს, რაც მამარდაშვილის ორმაგი სეივით დასრულდა. საბოლოოდ მატჩი ფრედ დასრულდა და გუნდებმა ქულები გაიყვეს.
ავტორი: დიმიტრი გორგილაძე
