სემეკის ცნობით, ელექტროენერგიის ტარიფი 3 თეთრით მცირდება. ცვლილება როგორც საყოფაცხოვრებო, ასევე, არასაყოფაცხოვრებო აბონენტებსაც შეეხებათ. ახალი ტარიფი ძალაში 2024 წლის 1-ლი იანვრიდან შევა და 2026 წლის 31 დეკემბრის ჩათვლით იმოქმედებს.
“ელექტროენერგიის ტარიფების შემცირებაზე გავლენა იქონია ჰიდროელექტროსადგურ ენგურჰესის რეაბილიტაციის შედეგად იაფიანი ელექტროენერგიის წილის ზრდამ ელექტროენერგიის შესყიდვის მთლიან კალათაში, მაღალი ჰიდროლოგიის მაჩვენებლებმა და ასევე, 2022-2023 წლების ზამთრის პერიოდში თბოსადგურების საშუალებით გამომუშავებული იაფიანი ელექტროენერგიით იმპორტირებული ენერგიის ჩანაცვლებამ”. – წერია სემეკის მიერ გავრცელებულ განცხადებაში.
