წელს, პირველად აჭარა სალაშქრო ფესტივალს უმასპინძლებს, ამის შესახებ ინფორმაციას რეგიონის ტურიზმის დეპარტამენტი ავრცელებს. უწყების ცნობით, ფესტივალის მონაწილე მოლაშქრეები 45 კმ-ნ საფეხმავლო მარშრუტს ოთხ დღეში დალაშქრავენ.
“აჭარის ტურიზმის დეპარტამენტის ტურისტული პროდუქტების განვითარების სააგენტო მთიანი აჭარის ტურისტული მარშრუტების პოპულარიზაციისა და აჭარაში ლაშქრობის სტიმულირების მიზნით ფესტივალის ჩატარებას ზაფხულში გეგმავს. მასში მონაწილეობა მოლაშქრეებისთვის უფასო იქნება. ფესტივალში მონაწილეობის მისაღებად რეგისტრაცია მაისში დაიწყება,” – წერია დეპარტამენტის მიერ გავრცელებულ ინფორმაციაში.
