ბათუმში სტარტი აიღო, აჭარის ღია ჩემპიონატმა ველოსპორტში. ტურნირში მონაწილეობს: აჭარის, თბილისის, მცხეთის, ქუთაისის, ზესტაფონის და ოზურგეთის სპორტსმენთა გუნდები. მათ შორის უცხოელი ველო მოყვარულები.
ჩემპიონატის პირველი ეტაპი, 16 მაისს დაიწყო. სპორტსმენებში ერთმანეთს წრიულ რბოლაში დაუპირდაპირდებიან, რომლის დისტანცია 30კმ – 20 წრე იქნება.
შეჯიბრების მარშრუტი მოიცავს ახალი ბულვარისა და აეროპორტის მიმდებარე ტერიტორიას. 17 მაისს, ქობულეთსა და ბათუმში ტურნირის მეორე ეტაპი გაიმართება.
ეს იქნება ჯგუფური რბოლა ქობულეთი – ბათუმი – ქობულეთო, რომლის დისტანცია 70 კმ-ს შეადგენს, სტარტი და ფინიში ქობულეთის მერიასთან იქნება.
18 მაისს კი აჭარის ღია ჩემპიონატის ბოლო შეჯიბრება ჩატარდება. ქობულეთში, წრიულ რბოლაში, რომლის დისტანცია 35 კმ ანუ 20 წრე იქნება. აჭარის ღია ჩემპიონატი ველოსპორტში, აჭარის ველოსპორტის ფედერაციის ორგანიზებით მიმდინარეობს.
ავტორი: დიმიტრი გორგილაძე
