გარემოსდაცვითი ზედამხედველობის დეპარტამენტის თანამშრომლებმა ქობულეთისა და შუახევის მუნიციპალიტეტებში უკანონო საქმიანობის ფაქტები გამოავლინეს.
დეპარტამენტის ინფორმაციით, სოფლებში – ჩაისუბანსა და ფურტიოში – მოქალაქეებს საკარმიდამო ეზოებში არარეგისტრირებული ლენტური ტიპის სახერხი დანადგარები ჰქონდათ დამონტაჟებული. სამართალდარღვევების შედეგად, მიმდებარე ტერიტორიებიდან ამოღებულია დაახლოებით 4 კუბური მეტრი მოცულობის სხვადასხვა სახეობის პირველადი გადამუშავების პროდუქტი – ფიცარი.
როგორც უწყებაში აცხადებენ, ორივე ფაქტი შეიცავს სისხლის სამართლის დანაშაულის ნიშნებს, რის გამოც მასალები შემდგომი რეაგირების მიზნით შესაბამის უწყებებს გადაეგზავნა.
სტატისტიკური მონაცემებით, 2024 წელს დეპარტამენტმა 93 არარეგისტრირებული სახერხი საამქრო გამოავლინა, ხოლო 2025 წელს ასეთი ფაქტების რაოდენობა 31-ით შემცირდა და 62 შემთხვევა დაფიქსირდა.
