„ქართული ოცნების“ აჭარის საავტომობილო გზების დეპარტამენტის უფროსის მოადგილე, დავით ვერულიძე, თანამდებობას ტოვებს. „აჭარა თაიმსის“ინფორმაციით, დავით ვერულიძემ სამსახურიდან წასვლის შესახებ განცხადება უკვე დაწერა და კანცელარიაში წარადგინა.
ფინანსთა და ეკონომიკის სამინისტროში განმარტეს, რომ განცხადებაზე ხელმძღვანელს ხელი ჯერ არ მოუწერია და შესაბამისი ადმინისტრაციული პროცედურები მიმდინარეობს.
ცნობისთვის: დავით ვერულიძე მანამდე ქობულეთის ვიცე-მერის პოზიციას იკავებდა. მისი საქმიანობის პერიოდში ქობულეთის ცენტრალურ პარკში ოთხსართულიანი უნებართვოდ აშენდა. შპს „გრინ პარკი ქობულეთი“, გელა ხინიკაძეს ეკუთვნის. ცნობილია, რომ კომპანიის მფლობელის შვილი, მამუკა ხინიკაძე, დავით ვერულიძის კლასელი, კურსელი და ახლო მეგობარია.
ინფორმაციისთვის: „აჭარა თაიმსის“ სტატიის შემდეგ, ქობულეთის ცენტრალურ პარკში უნებართვო შენობის დემონტაჟი განხორციელდა.
გარემოება: აღნიშნულ მშენებლობასთან დაკავშირებით უკანონობის საკითხზე პასუხისმგებლობა დღემდე არავის დაკისრებია. საქმე საბოლოოდ მხოლოდ შენობის დემონტაჟით დასრულდა, სამართლებრივი შედეგების გარეშე.
ქობულეთის ვიცე მერის კლასელისა და კურსელის ოჯახის უკანონო მშენებლობა ცენტრალურ პარკში
