ქობულეთში უნებართვო ობიექტების დემონტაჟის პროცესი აქტიურად მიმდინარეობს. მუნიციპალიტეტში სხვადასხვა ადგილზე კონსტრუქციების აღება უკვე დაწყებულია. ცენტრალური ბაზრის მიმდებარედ დემონტაჟი უკვე განხორციელდა, ხოლო გარემოვაჭრეებს აღნიშნული სივრცის დატოვება მოსთხოვეს.
დღეს სამუშაოები გაგრძელდა მერიის შენობის წინ არსებულ ტერიტორიაზეც, სადაც უნებართვო ობიექტების დაშლა დაიწყო.
გარემოება: მერიის მიმდებარედ, რამდენიმე მეტრში, ადგილობრივები წლების განმავლობაში უნებართვოდ საქმიანობდნენ, რაზეც ზედამხედველობის სამსახურს ამ დრომდე რეაგირება არ მოუხდენია.
მუნიციპალიტეტი ამ ეტაპზე არ განმარტავს, კონკრეტულად რას უკავშირდება მიმდინარე გადაწყვეტილება. კითხვებს ზედამხედველობის სამსახური არ პასუხობს, რაც დამატებით გაურკვევლობას ქმნის ადგილობრივებისთვის.
ცნობისთვის: მერიის უკანა ტერიტორიაზეც რამდენიმე კაფე-რესტორანი ასევე უნებართვოდ არის აშენებული და ფუნქციონირებს. ამ ობიექტებთან დაკავშირებით რა გადაწყვეტილება იქნება მიღებული, ჯერ უცნობია.
» ქობულეთის ვიცე მერის კლასელისა და კურსელის ოჯახის უკანონო მშენებლობა ცენტრალურ პარკში
» სუს-მა ქობულეთსა და ხულოში კორუფციული დანაშაულების ფაქტზე რამდენიმე პირი დააკავა
» ქობულეთში კაფეს პლაჟზე ჩასავლელ კიბეზე აშენებენ – უკანონობაზე მერია არ რეაგირებს
» ქობულეთში ქრთამის აღების ბრალდებით დაკავებული პირის მეუღლე იჯარის კომისიის წევრი იყო
