„დინამო ბათუმისა“ და „დინამო თბილისის“ მატჩი ფრედ, 2:2 დასრულდა. „აჭარაბეთ არენაზე“ გამართული „დინამოების დერბი“ ძალიან სანახაობრივი გამოდგა.
მატჩის პირველი გოლი მილჩენკომ („დინამო ბათუმი“) მეორე წუთზე გაიტანა. თემურ ქეცბაიას გაწვრთნილმა გუნდმა კუპატაძის კარი 22-ე წუთზე აიღო – გოლი კალანდაძემ გაიტანა.
„თოლიებმა“ ლიდერობა 45-ე წუთზე მოიპოვეს – კალანდარიშვილმა თერთმეტმეტრიანი ზუსტად შეასრულა. თუმცა „თბილისელებმა“ ანგარიში მეორე ტაიმის დაწყებიდან მალევე გაათანაბრეს – 47-ე წუთზე გოლი რამუშმა გაიტანა. „დინამო ბათუმი“ ეროვნული ლიგის მომდევნო მატჩს 6 მაისს „გაგრას“ წინააღმდეგ გამართავს.
ავტორი: დიმიტრი გორგილაძე
