„დინამო ბათუმისა“ და „სპაერის“ მატჩი ფრედ, 3:3 დასრულდა. ეროვნული ლიგის მე-14 ტურის შეხვედრა დაძაბული და სანახაობრივი გამოდგა. თავდაპირველად მატჩი „თოლიების“ უპირატესობით მიმდინარეობდა.
შეხვედრის 39-ე წუთზე მეტოქის კარი გურამ ჯაფარიძემ აიღო, რაც მიმდინარე სეზონში მისი პირველი გოლია. პირველი ტაიმის მიწურულს კი „ბათუმელების“ უპირატესობა ორ ბურთამდე უერდი მარამ გაზარდა, ალბანელმა ნახევარმცველმა გოლი 45-ე წუთზე გაიტანა.
მეორე ტაიმში „სპაერმა“ თამაშის შემოტრიალება მოახერხა. ტაიმი მასპინძლებმა ლაშა კოხრეიძის გოლით დაიწყეს და 49-ე წუთზე სხვაობა ერთ ბურთამდე შეამცირეს. 69-ე წუთზე ლევან ხოზრევანიძემ „დინამო ბათუმის“ უპირატესობა კვლავ ორ ბურთამდე გაზარდა.
„სპაერმა“ ანგარიშის გათანაბრება მატჩის მიწურულს შეძლო, მეორე გოლი 80-ე წუთზე ბუნტურმა გაიტანა, ხოლო სამი წუთის შემდეგ, 83-ე წუთზე, კენჭაძემ ანგარიში გაათანაბრა.
ეროვნულ ლიგაში ჩატარებული 14 ტურის შემდეგ დინამო ბათუმი სატურნირო ცხრილში 18 ქულით მეექვსე ადგილს იკავებს „თოლიები“ მომდევნო შეხვედრას 25 მაისს გამართავენ, მე-15 ტურში, აჭარაბეთ არენაზე, „რუსთავს“ უმასპინძლებენ.
ავტორი: დიმიტრი გორგილაძე
