„დინამო ბათუმმა“ , გიორგი ჭიაბრიშვილის თავკაცობით პირველი მატჩი მოიგო. დაძაბულ შეხვედრაში, „თოლიებმა“ ეროვნული ლიგის 29-ე ტურში, „გაგრას“ 3-2 მოუგეს. პირველი ტაიმი, „ბათუმელების“ უპირატესობით წარიმართა.
მე-11 წუთზე, ტამბედოს საგოლე გადაცემით, გოლი მარიო ბალბურდიამ გაიტანა და „თოლიები“ დააწინაურა. 45+5 წუთზე, „გაგრას“ ფეხბურთელმა, გიორგი უბილავამ, ქაფიანიძეზე უხეშობისთვის, წითელი ბარათი მიიღო.
მატჩის მეორე ნახევარი, ორივე გუნდმა აქტიურად ჩაატარა. 63-ე წუთზე რევაზ ინჯგიამ „ბათუმელების“ უპირატესობა ორ ბურთამდე გაზარდა. შეხვედრის 69-ე წუთზე, ბექა გაბისკირიამ სხვაობა ერთ ბურთამდე შეამცირა, თუმცა მილჩემკომ 71-ე წუთზე „თოლიების“ მესამე გოლი გაიტანა.
89-ე წუთზე ლომთაძემ „გაგრას“ ჩამორჩენა ერთ წუთამდე შეამცირა. საბოლოოდ მატჩი 3-2 „დინამო ბათუმის“ გამარჯვებით დასრულდა.
ავტორი: დიმიტრი გორგილაძე
