ბათუმში, საჯარო სკოლის მოსწავლეები და პედაგოგები გაიფიცნენ. ისინი ევროპის მოედანზე შეიკრიბნენ და ამ ფორმით იმ ადამიანებს გამოუცხადეს სოლიდარობა, რომლებიც მეექვსე დღეა ქუჩაში არიან. ამბობენ, რომ პროტესტი იქამდე გაგრძელდება ვიდრე ხელისუფლება გადაწყვეტილებას არ შეცვლის.
მათ პროტესტს ის ფაქტიც იწვევს, რომ ხელისუფლებას პრეზიდენტად უდიპლომო კანდიდატი არ უნდა წარედგინა, რადგან მათი თქმით, ეს განათლების მნიშვნელობას აკნინებს. ამბობენ, რომ მათ არჩევანი ევროპა და ევროპული ღირებულებებია, შესაბამისად ხელისუფლების გადაწყვეტილებას ყველანაირი ფორმით შეეწინაღმდეგებიან.
„თანატოლებს მოვუწოდებთ, ღიად დააფიქსირეთ თქვენი პოზიცია ევროპასთან დაკავშირებით. გვინდა ევროპული განათლება, ყველაფერი ევროპული რაც ჩვენს ქვეყანას გამოადგება. გამოსული ვართ სხვადასხვა სკოლიდან მოსწავლეები და მასწავლებლები, ყველას ერთი მიზანი გვაქვს, გვინდა, რომ რუსული რეჟიმი აღარ იყოს. ძალიან ბევრი სკოლის მოსწავლე გაფიცულია და საგაკვეთილო პროცესს არ ესწრება”, – განაცხადეს მოსწავლეებმა აქციაზე.
[embedyt] https://www.youtube.com/watch?v=ekmjAEAh_Ek[/embedyt]
