პროკურატურამ სასტუმრო „შერატონიდან“ გიორგი გახარიასა და ზვიად ქორიძეზე თავდასხმის ამსახველი ვიდეომასალა ამოიღო. როგორც პარტია „გახარია საქართველოსთვის“ წევრებმა „აჭარა თაიმს“-ს განუცხადეს, აღნიშნული ინფორმაცია მათ სასტუმროს მენეჯერისგან მიიღეს.
„პროკურატურამ 21 იანვარს ვიდეომასალა ამოიღო. გვითხრეს, რომ მათი ასლებიც წაღებულია. ვფიქრობთ, გამოძიება მაქსიმალურად უნდა იყოს ობიექტური და სწრაფი,“ – განაცხადა პარტიის წევრმა გოჩა გუგუნავამ ჩვენთან საუბრისას.
ვიდრე ამ ინფორმაციას სასტუმრო გასცემდა “შერატონში” საპროტესტო აქცია მიმდინარეობდა, რომელშიც მოქალაქეები და პარტიების წარმომადგენლები მონაწილეობდნენ. ისინი კადრების გასაჯაროვებას მოითხოვდნენ და ამბობდნენ, რომ თავდასხმის ვიდეომასალა საზოგადოებისთვის ხელმისაწვდომი უნდა იყოს.
https://www.facebook.com/ajaratimes/videos/1500846033944665
ინფორმაციისთვის: საზოგადოებას ამ დრომდე არ აქვს ცნობები, დაიკითხნენ თუ არა ჯგუფურ თავდასხმაში ბრალდებული პირები, დიმიტრი სამხარაძე და გიორგი მანველიძე. კითხვებს არ პასუხობენ შინაგან საქმეთა სამინისტროსა და „ქართული ოცნებაში“.
