ცოტა ხნის წინ, ბათუმის შემოსასვლელში, კერძოდ, თამარის დასახლებაში საგზაო შემთხვევა მოხდა. ერთმანეთს ორი მსუბუქი ავტომობილი შეეჯახა. ერთი ავტომობილი საპირისპირო მიმართულებით გადავიდა.
თვითმხილველი „აჭარა თაიმს” უყვება, რომ შეჯახების შედეგად ერთმა ადამიანმა მძიმე დაზიანება მიიღო – კიდური დაკარგა. შემთხვევის ადგილზე მობილიზებულია საპატრულო პოლიციის ჯგუფები. სასწრაფო სამედიცინო დახმარების ცენტრის ცნობით, დაშავდა სამი ადამიანი, ისინი სამედიცინო დაწესებულებებში გადაიყვანეს.
ფაქტზე სსკ-ის 276-ე მუხლით დაიწყო გამოძიება.
