TKT.ge-ზე მთელი დღის განმავლობაში შეფერხებით მუშაობს. მოქალაქეები ვებ-გვერდის მეშვეობით ბილეთების შეძენას ვერ ახერხებდნენ. კომპანიამ ცოტა ხნის წინ განცხადება გაავრცელა, რომელსაც უცვლელად გთავაზობთ:
“დღეს, 27 თებერვალს, 12:00 საათზე უეფას ევროპის ჩემპიონატის საკვალიფიკაციო ეტაპის ნახევარ-ფინალური მატჩის ბილეთების გაყიდვები უნდა დაწყებულიყო. გაყიდვების დაწყება დაყოვნდა 45 წუთით, რაც განპირობებული იყო ჩვენს საიტზე დაფიქსირებული რეკორდული მოთხოვნით – 2 მილიონი მოთხოვნა (Request) წუთში.
მყისიერი ტექნიკური სამუშაოების ჩატარების შემდეგ, მომხმარებლებს მიეცათ შესაძლებლობა ჩამდგარიყვნენ ონლაინ რიგში და დაეწყოთ ყიდვის პროცესი, რომელიც ამ მომენტითვისაც ყოველგვარი ხარვეზების გარეშე მიმდინარეობს.
აქვე აღვნიშნავთ, რომ პირველი შემთხვევაა, როდესაც ბილეთების გაყიდვა ხდება ყოველ ბილეთზე პირადი ინფორმაციის მითითებით, რის შედეგადაც შეიზღუდა გადამყიდველების აქტივობა საიტზე და ამის გამო საშუალოდ 5 წუთამდე გაიზარდა შესყიდვის პროცესის ხანგრძლივობა. გვჯერა, 21 მარტს ერთად ვიზეიმებთ ჩვენი ნაკრების ფინალში გასვლას,” – წერია კომპანიის მიერ გავრცელებულ განცხადებაში.
ინფორმაციისთვის: საქართველოს ეროვნული საფეხბურთო ნაკრები ევროპის ჩემპიონატის საკვალიფიკაციო ეტაპის პლეი-ოფის ნახევარფინალური ეტაპის მატჩს ლუქსემბურგის წინააღმდეგ 21 მარტს, 21:00 საათზე თბილისში, „დინამო არენაზე”, გამართავს.
